PANTUN GURITAN SEMENDE

Mendere bunyi daun cemaghe
Nangkan aban nampak kan diri
Nyawe di badan memang dibawe
Namun sayang banyak dik bereti

Bukan parak pandan nggak kunyit
Batangnye bughuk pucuk mandian
Bukan galak badan melengit
Takut kah ngaruk dusun laman

Batang puae luluk lengkuas
Daunye libae ndik ngibat nasi
Bejalan jauh lah luas-luas
Mangke dikde di laman lagi

Tetanam tumbuh di utan
Amuk mbak ini sukae ncakaenye
Sukat baik njauhi badan
Bejalan jauh mbawe ghase

Kalu puae lah njadi ghaye
Kawe mati pule li bayang pauh
Nanti tedengae sesiae ghimbe
Itu lah tandenye akulah jauh

Kunyit tumbuh di padang lalang
Lalang di bawah batang beghingin
Kalu ku lengit biarlah hilang
Kalu teghingat pesan nggak angin

Tuape bedetar cukahlah subuk
Buah ghebis ditimpe jeghing
Tekaparlah aku di sunyi teluk
Menangis pun aku sape kah nyeding

Ke jalan arah lengkuas ghaye
Mayang di tetak due tebagi
Bejalan asenye lah puas gale
Sayang ndak balik dik pacak lagi

Kayu pandak empat pesegi
Pasangkan paku mangke teguh
Kalu ndak balik dik pacak lagi
Tulus kalah ku bejalan saye jauh

Dalam ghimbe terang benderang
Luluk kan ade ye nyianginye
Malang melintang hidup sughang
Biaralah tangis kandik kembangnye